ന്യൂഡല്ഹി: ഉത്തര്പ്രദേശിലെ ലഖിംപുര് ഖേരിയില് കൊല്ലപ്പെട്ട കര്ഷകരുടെയും മാധ്യമപ്രവര്ത്തകന്റെയും കുടുംബങ്ങള്ക്ക് സഹായധനം പ്രഖ്യാപിച്ച് പഞ്ചാബും ഛത്തീസ്ഗഡും. രണ്ട് സംസ്ഥാനങ്ങളും ഭരിക്കുന്നത് കോണ്ഗ്രസാണ്. 50 ലക്ഷം രൂപ വീതമാണ് മരണപ്പെട്ടവർക്ക് ധനസഹായം പ്രഖ്യാപിച്ചിരിക്കുന്നത്.
1919ലെ ജാലിയന്വാബാ ബാഗ് കൂട്ടക്കൊലയ്ക്ക് സമാനമായ സംഭമാണ് ഉത്തര്പ്രദേശില് അരങ്ങേറിയതെന്ന് പഞ്ചാബ് മുഖ്യമന്ത്രി ചരണ്ജിത് സിങ് ഛന്നി പറഞ്ഞു. കൊല്ലപ്പെട്ടവരുടെ കുടുംബങ്ങള്ക്ക് തങ്ങള് അമ്പത് ലക്ഷം രൂപ വീതം നല്കുമെന്ന് ഇരു മുഖ്യമന്ത്രിമാരും വ്യക്തമാക്കി.
അതേസമയം കൊല്ലപ്പെട്ടവരുടെ കുടുംബത്തിന് നാല്പ്പത്തിയഞ്ച് ലക്ഷം രൂപ നഷ്ടപരിഹാരമാണ് ഉത്തര്പ്രദേശ് സര്ക്കാര് പ്രഖ്യാപിച്ചിട്ടുള്ളത്.