മൂപ്പന്റെ കക്ഷത്തിലിരുന്ന അങ്ങിങ്ങ്
ഓട്ടവീണ തുകൽസഞ്ചിയിൽനിന്നും
ക്ഷൌരക്കത്തി താഴെ വീണു! അപ്പുണ്ണി
മനസ്സില്ലാമനസ്സോടെ, പിന്നോക്കം തിരിഞ്ഞു
നോക്കി! അവിശ്വസനീയം.!!
ഊരിപ്പിടിച്ച ക്ഷൌരക്കത്തിയുമായി മൂപ്പൻ!
അയാൾ കത്തിക്ക് മൂർച്ച കൂട്ടുന്നു!
ഇടതുകൈയുടെ തള്ളവിരൽ നഖത്തേൽ..,
അയാൾ കത്തിയുടെ മൂർച്ച നോക്കുന്നു!!
വേഗം വീട്ടിലെത്തണം;പക്ഷേ നടത്തത്തിന്റെ
വേഗത കൂടുന്നില്ല..! കൈവശമുള്ള ചായ കുടിച്ചാലോ?
മൈനയുടെ വക പ്രക്ഷേപണം,
ആരോഹണാവരോഹണങ്ങളോടെ....,
പാവത്താന്റെ കർണ്ണങ്ങളിൽ പതിച്ചു..!
എങ്ങനേയും വീട്ടിലെത്തണം!
കാലടികൾ ഇടറിയില്ല! ലേശം ശങ്കയോടും,
സംഭ്രമിച്ചും,ഒന്നാംഗിയറിൽ യാത്ര തുടർന്നു.
നവയുഗ യുവനടത്തം കൺകുളിർക്കെ
കാണുവാൻ,ചായകുടിയൻമാർ,`സ്ഥൂലാഗ്രം'
അനക്കിയിളക്കി തലകൾ പുറത്തേക്കിട്ടു!
പൊരുന്നവെച്ചതായ മുട്ടപ്പുറത്തിരിക്കുന്ന
അടക്കോഴിയേപ്പോലെ, ഓരോരുത്തർ...,
ദോശയും,ഇഡ്ഡലിയൂം ആഹരിക്കുന്നു!!
'അപ്പുണ്ണീ, ഒന്നു നിന്നേ'ചായക്കടക്കാരൻ
കടയിൽനിന്നും കൈ തട്ടി വിളിച്ചു.
തലതിരിച്ച്, യാന്ത്രികമായ ഒരു നോട്ടം...!
കണ്ണുകളെ വിശ്വസിക്കാൻ ആകുന്നില്ല..!
മൂപ്പന്റെ ഇരുചെവികളിലും, കടക്കാരൻ
മാറി മാറി എന്തോ കുശുകുശുക്കുന്നു..!!