ചെന്നൈ: മഴക്കെടുതിയില് ദുരിതമനുഭവിക്കുന്ന കേരളത്തിന് സഹായവുമായി തമിഴ്നാട് മുഖ്യമന്ത്രി എം കെ സ്റ്റാലിന്. ഡി എം കെ ചാരിറ്റബിള് ട്രസ്റ്റില് നിന്ന് കേരളാ മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു കോടി രൂപ നല്കുമെന്ന് എം.കെ സ്റ്റാലിന് അറിയിച്ചു. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്.
'കനത്ത മഴയിലും പ്രളയത്തിലും ദുരിതമനുഭവിക്കുന്ന കേരളത്തിലെ നമ്മുടെ സഹോദരങ്ങള്ക്കൊപ്പമാണ്. നമുക്ക് ഈ മാനവികതയെ ഉള്ക്കൊണ്ട് അവരെ സഹായിക്കാം,' എന്ന് ട്വീറ്റ് ചെയ്തുകൊണ്ടാണ് ഒരു കോടി രൂപ നല്കുമെന്ന് സ്റ്റാലിന് പ്രഖ്യാപിച്ചത്.
മുൻപ് രണ്ട് തവണ കേരളത്തില് പ്രളയമുണ്ടായപ്പോഴും സഹായ ഹസ്തവുമായി ഡി എം കെ രംഗത്തെത്തിയിരുന്നു.