ന്യുഡല്ഹി: ന്യൂനപക്ഷ സ്കോളര്ഷിപ്പ് കേസില് ഹൈക്കോടതി വിധിക്ക് സ്റ്റേയില്ല. ന്യൂനപക്ഷ സ്കോളര്ഷിപ്പിലുള്ള 80:20 അനുപാതം റദ്ദാക്കിയ കേരള ഹൈക്കോടതി വിധിക്കെതിരെ സംസ്ഥാന സര്ക്കാരാണ് സുപ്രീം കോടതിയെ സമീപിച്ചത്. ഹര്ജി പരിഗണിച്ച് ഹൈക്കോടതി വിധി സ്റ്റേ ചെയ്യണമെന്നായിരുന്നു സംസ്ഥാന സര്ക്കാരിന്റെ ആവശ്യം.
ജസ്റ്റിസ് എല് നാഗേശ്വര് റാവു അധ്യക്ഷനായ ബെഞ്ചാണ് സംസ്ഥാന സര്ക്കാരിന്റെ ഹര്ജി പരിഗണിച്ചത്. 80:20 അനുപാതം റദ്ദാക്കി ജനസംഖ്യാ അടിസ്ഥാനത്തില് ആവണം സ്കോളര്ഷിപ്പ് നല്കണ്ടതെന്നായിരുന്നു കേരള ഹൈക്കോടതി വിധി.
ന്യൂനപക്ഷ സ്കോളര്ഷിപ്പ് തീരുമാനിക്കാന് സംസ്ഥാനത്തിന് അധികാരമില്ല. ഒരു വിഭാഗത്തിന് മാത്രം ആനുകൂല്യങ്ങള് നല്കുന്നത് വിവേചനം ആണെന്നും ഹൈക്കോടതി ചൂണ്ടിക്കാട്ടിയിരുന്നു. എന്നാല് വിദ്യാഭ്യാസ പിന്നോക്കാവസ്ഥ പരിഗണിക്കാതെ സ്കോളര്ഷിപ്പ് നല്കിയാല് അത് അനര്ഹര്ക്കായിരിക്കും ലഭിക്കുക എന്നായിരുന്നു സംസ്ഥാന സര്ക്കാരിന്റെ വാദം.