ന്യൂഡല്ഹി: ഇന്ധന വില വര്ധനവിനെക്കുറിച്ച് ജനങ്ങള് സംസ്ഥാന സര്ക്കാരുകളോട് ചോദിക്കണമെന്ന് കേന്ദ്ര ധനമന്ത്രി നിര്മലാ സീതാരാമന്. കേന്ദ്രം പെട്രോളിന്റെയും ഡീസലിന്റെയും എക്സൈസ് നികുതി കുറച്ചിരുന്നു. ഇതിനു പിന്നാലെ വില വീണ്ടും കുറയുന്നതിന് സംസ്ഥാനങ്ങളോട് മൂല്യവര്ധിത നികുതി കുറയ്ക്കാന് അഭ്യര്ഥിച്ചിരുന്നെന്നും മന്ത്രി കൂട്ടിച്ചേര്ത്തു.
രാജ്യത്തെ നിക്ഷേപ അന്തരീക്ഷം മെച്ചപ്പെടുത്തുന്നതുമായി ബന്ധപ്പെട്ട് സംസ്ഥാന മുഖ്യമന്ത്രിമാരും ധന മന്ത്രിമാരുമായുള്ള കൂടിക്കാഴ്ചയ്ക്കു ശേഷം വാര്ത്താ സമ്മേളനത്തില് സംസാരിക്കുകയായിരുന്നു അവര്. ജി.എസ്.ടി കൗണ്സില് നിരക്ക് നിശ്ചയിക്കാത്തിനാല് പെട്രോളിനെയും ഡീസലിനെയും ജി.എസ്.ടിയില് ഉള്പ്പെടുത്താനാകില്ലെന്നും നിര്മല കൂട്ടിച്ചേര്ത്തു.