ന്യൂഡൽഹി: വായു മലിനീകരണത്തെ തുടർന്ന് ഡൽഹിയിലെ സ്കൂളുകളും കോളജുകളും അടച്ചു. ഇനിയൊരറിപ്പ് ഉണ്ടാകും വരെ വിദ്യാഭ്യാസ സ്ഥാപനങ്ങൾ തുറക്കരുതെന്ന് എയര് ക്വാളിറ്റി മാനേജ്മെന്റ് കമ്മീഷന് മുന്നറിയിപ്പ് നൽകി.
സ്വകാര്യ സ്ഥാപനങ്ങള് 50 ശതമാനം വര്ക്ക് ഫ്രം ഹോം നടപ്പാക്കണം. ട്രക്കുകള്ക്കും പത്ത് വര്ഷത്തിലധികം പഴക്കമുള്ള വാഹനങ്ങള്ക്കും ഡൽഹി നഗരത്തില് ഓടാന് അനുമതിയില്ല. നിര്മ്മാണ പ്രവൃത്തികള്ക്ക് ഈ മാസം 21 വരെ വിലക്ക് ഏര്പ്പെടുത്തി. സര്ക്കാര് നടത്തുന്ന അടിയന്തര പ്രാധാന്യമുള്ള നിര്മ്മാണ പ്രവൃത്തികള്ക്ക് മാത്രം അനുമതി നല്കിയിട്ടുണ്ട്.
ഹരിയാന, രാജസ്ഥാന് ,ഉത്തര്പ്രദേശ് സര്ക്കാരുകളും നിര്ദ്ദേശം പാലിക്കണമെന്നും എയര് ക്വാളിറ്റി മാനേജ്മെന്റ് കമ്മീഷന് അറിയിച്ചു. വായുനിലവാര സൂചിക 50 ല് താഴെ വേണ്ടിടത്ത് ഡൽഹിയില് ഇപ്പോള് 471 ന് മുകളിലാണ്.