ശ്രീനഗര്: ജമ്മു കശ്മീരിലെ പുല്വാമയില് സൈന്യം ഭീകരരുമായി ഏറ്റുമുട്ടി. അവന്തിപ്പോരയിലാണ് ആക്രമണം നടന്നത്. ഏറ്റുമുട്ടലില് ഒരു ഭീകരനെ സുരക്ഷാസേന വധിച്ചു. രഹസ്യ വിവരത്തെത്തുടര്ന്ന് നടത്തിയ തെരച്ചിലിനിടെയാണ് ആക്രമണം ഉണ്ടായത്.
തെരച്ചില് നടത്തുന്നതിനിടെ ഞായറാഴ്ച പുലര്ച്ചയോടെ ഭീകരവാദികള് സൈന്യത്തിന് നേരെ വെടിവെപ്പ് നടത്തുകയായിരുന്നു. കൊല്ലപ്പെട്ട ഭീകരനെ തിരിച്ചറിയാനുള്ള ശ്രമങ്ങള് പുരോഗമിക്കുകയാണെന്ന് പൊലീസ് വ്യക്തമാക്കി. സുരക്ഷാസേനയും പൊലീസും ചേര്ന്നാണ് ഭീകരവിരുദ്ധ നീക്കം നടത്തുന്നതെന്നും ഐ.ജി വ്യക്തമാക്കി.