വാരാണസി: വാരാണസിയില് കാശി വിശ്വനാഥ ക്ഷേത്ര ഇടനാഴി പദ്ധതിയുടെ ആദ്യഘട്ടം പ്രധാനമന്ത്രി നരേന്ദ്ര മോഡി ഉദ്ഘാടനം ചെയ്തു. ഉച്ചയ്ക്ക് 12 ന് ഗംഗാ സ്നാനം കഴിഞ്ഞാണ് ഇടനാഴി ഉദ്ഘാടനത്തിന് പ്രധാനമന്ത്രി എത്തിയത്.
വൈകുന്നേരം ആറിന് നടക്കുന്ന ഗംഗാ ആരതിയിലും അദ്ദേഹം പങ്കുചേരും. നാളെയാണ് പ്രധാനമന്ത്രി ഡല്ഹിക്ക് മടങ്ങുന്നത്. കാശി വിശ്വനാഥ ക്ഷേത്രത്തെ ഗംഗാ നദിയുടെ തീരവുമായി ബന്ധിപ്പിക്കുന്ന ഇടനാഴിയുടെ ആദ്യഘട്ടം 339 കോടി രൂപ ചിലവിട്ടാണ് നിര്മ്മിച്ചിട്ടുള്ളത്.
ഗംഗാ തീരത്തുനിന്ന് 400 മീറ്റര് നടന്നാല് ക്ഷേത്രത്തിലെത്താം. വാരാണസി എംപി കൂടിയായ മോഡി 2019 മാര്ച്ചില് ശിലയിട്ട പദ്ധതിയാണ് ഇപ്പോള് യാഥാര്ഥ്യമായത്.