ന്യുഡല്ഹി: റഷ്യന് ആക്രമണത്തില് തകര്ന്ന ഉക്രെയ്ന് മരുന്ന് ഉള്പ്പടെയുള്ള സഹായങ്ങള് എത്തിച്ചു നല്കാനൊരുങ്ങി ഇന്ത്യ. ഉക്രെയിനിന്റെ അഭ്യര്ഥന പ്രകാരമാണ് ഇന്ത്യ സഹായം നല്കാന് തീരുമാനിച്ചത്. പ്രധാനമന്ത്രി നരേന്ദ്ര മോഡിയുടെ അധ്യക്ഷതയില് ചേര്ന്ന ഉന്നതതല യോഗത്തിലാണ് തീരുമാനം.
അതേസമയം സമാധാനത്തിനായുള്ള ചര്ച്ചകള് പുരോഗമിക്കുന്നതിനിടെ ഉക്രെയ്നിന്റെ തലസ്ഥാനമായ കീവില് വീണ്ടും സ്ഫോടനങ്ങള് നടന്നു. പോരാട്ടം നിര്ത്തണമെന്നാണ് യുഎന് ആവര്ത്തിച്ച് ആവശ്യപ്പെടുന്നത്. എന്നാല് ഐക്യരാഷ്ട്ര സഭ വിളിച്ച പ്രത്യേക സെഷനില് റഷ്യയുടെയും ഉക്രെയ്ന്റെയും അംബാസഡര്മാര് തമ്മില് രൂക്ഷമായ ആരോപണ-പ്രത്യാരോപണങ്ങള് നടന്നിരുന്നു.