ന്യുഡല്ഹി: രാജ്യത്ത് പന്ത്രണ്ടിനും പതിനാലിനും ഇടയില് പ്രായമുള്ള കുട്ടികള്ക്ക് വാക്സിനേഷനും അറുപത് വയസിന് മുകളിലുള്ളവര്ക്ക് കരുതല് ഡോസിന്റെ വിതരണവും ഇന്ന് തുടങ്ങും. 2010 മാര്ച്ച് 15ന് മുമ്പ് ജനിച്ചവര്ക്കാണ് ഈ ഘട്ടത്തില് വാക്സിനേഷന് നല്കുക.
കൊര്ബവാക്സ് മാത്രമാകും കുട്ടികളില് കുത്തിവെക്കുക. ഇത് ഉറപ്പുവരുത്താനായി ഈ വിഭാഗത്തിലുള്ളവര്ക്ക് പ്രത്യേക വാക്സിനേഷന് കേന്ദ്രങ്ങള് പ്രവര്ത്തിക്കുമെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി.
കോവിന് ആപ്പില് സ്വന്തമായി അക്കൗണ്ട് ഉണ്ടാക്കിയോ കുടുംബാംഗങ്ങളുടെ അക്കൗണ്ട് വഴിയോ രജിസ്റ്റര് ചെയ്യാം. വാക്സിനേഷന് കേന്ദ്രത്തില് നേരിട്ടത്തിയും രജിസ്ട്രേഷന് നടത്താം.