ന്യൂഡല്ഹി: ബംഗാള് ഉള്ക്കടലില് നിലനില്ക്കുന്ന ന്യുനമര്ദ്ദം മാര്ച്ച് 21 ഓടെ ശക്തി പ്രാപിച്ച് തെക്കന് ആന്ഡമാന് കടലില് ചുഴലിക്കാറ്റായി മാറാന് സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. തുടര്ന്ന് വടക്ക് ദിശയില് സഞ്ചരിക്കുന്ന ചുഴലിക്കാറ്റ് മാര്ച്ച് 22 ഓടെ ബംഗ്ലാദേശ്, മ്യാന്മര് തീരത്ത് കരയില് പ്രവേശിക്കാനാണ് സാധ്യത.
ന്യൂനമര്ദ്ദത്തിന്റെ സ്വാധീനഫലമായി സംസ്ഥാനത്ത് ഒറ്റപ്പെട്ട മഴ തുടരുമെന്നും അറിയിപ്പില് പറയുന്നു. ബംഗാള് ഉള്ക്കടലിലെ ഈ വര്ഷത്തെ ആദ്യ ചുഴലിക്കാറ്റാണിത്. ഇന്ത്യന് തീരത്ത് ഭീഷണിയില്ലെന്നും കാലാവസ്ഥാ വകുപ്പ് അറിയിച്ചു. ചുഴലിക്കാറ്റായി മാറിയാല്, ശ്രീലങ്ക നിര്ദ്ദേശിച്ച അസാനി എന്ന പേരിലാകും ഈ വര്ഷത്തെ ആദ്യ ചുഴലിക്കാറ്റ് അറിയപ്പെടുക.
കഴിഞ്ഞ ഒരാഴ്ച്ചയായി സംസ്ഥാനത്തിന്റെ വിവിധ ഭാഗങ്ങളില് മഴ പെയ്യുന്നുണ്ട്. അതേസമയം പകല് സമയത്തെ ചൂടിനും ചെറിയ ശമനം ഉണ്ടായിട്ടുണ്ട്. മലയോര മേഖലകളിലാണ് കൂടുതല് മഴ ലഭിച്ചത്. വരുംദിവസങ്ങളിലും മഴ തുടരും.