ന്യൂഡൽഹി: കാർഷിക ഉൽപ്പന്നങ്ങൾക്ക് താങ്ങുവിലയേക്കാൾ കുറഞ്ഞ വിലയ്ക്ക് വിൽക്കാൻ ഇപ്പോഴും യു പി യിലെ കർഷകർ നിർബന്ധിതരാകുന്നു എന്ന് കോൺഗ്രസ് നേതാവ് പ്രിയങ്ക ഗാന്ധി. കേന്ദ്രത്തിലെ ബിജെപി സർക്കാർ കർഷകരെ പരിഗണിക്കുന്നില്ലെന്നും പ്രിയങ്ക ട്വീറ്റിൽ കുറിച്ചു. കേന്ദ്ര സർക്കാരിന്റെ കാർഷിക നിയമങ്ങൾക്കെതിരെ രാജ്യമെമ്പാടും പ്രതിപക്ഷ പാർട്ടികളും കർഷക സംഘടനകളും പ്രതിഷേധം തുടരുകയാണ്. പുതിയ കാർഷിക നിയമങ്ങൾ കർഷകർക്കു താങ്ങുവില ഉറപ്പു നൽകുന്നില്ലെന്നാണ് പ്രധാനമായും പ്രതിപക്ഷം ഉയർത്തിക്കാട്ടുന്നത്.