പാലക്കാട്: വാളയാർ പെൺകുട്ടികളുടെ അമ്മ നടത്തുന്ന സമരം ഇന്ന് രണ്ടാം ദിവസം. പെൺകുട്ടികളുടെ അമ്മയ്ക്ക് പിന്തുണയുമായി പ്രതിപക്ഷനേതാവ് രമേശ് ചെന്നിത്തലയും, ബിജെപി സംസ്ഥാന അധ്യക്ഷൻ കെ സുരേന്ദ്രനും ഇന്ന് രാവിലെ സമരപ്പന്തലിലെത്തും. രാവിലെ 10:30 നാണ് രമേശ് ചെന്നിത്തല സമരപ്പന്തൽ സന്ദർശിക്കുന്നത്.
പെൺകുട്ടികളുടെ അമ്മ സെക്രട്ടറിയേറ്റിനു മുൻപിൽ സത്യാഗ്രഹം നടത്തിയപ്പോഴും പ്രതിപക്ഷ നേതാവ് രമേശ് ചെന്നിത്തല പിന്തുണയുമായി എത്തിയിരുന്നു. സമരപ്പന്തൽ സന്ദർശിച്ചതിനുശേഷം വാളയാറിൽ വ്യാജമദ്യം കഴിച്ച് മരിച്ച ആദിവാസി കോളനിയും രമേശ് ചെന്നിത്തല സന്ദർശിക്കും.