ചാലക്കുടി: നഗരസഭാ പരിധിയിൽ കോവിഡ് വ്യാപനം രൂക്ഷമായ സാഹചര്യത്തിൽ ചാലക്കുടിയിൽ നിയന്ത്രണങ്ങൾ കർശനമാക്കുന്നു. പ്രതിരോധ പ്രവർത്തനത്തിന്റെ ഭാഗമായി വ്യാപാരസ്ഥാപനങ്ങൾ ചൊവ്വ,ബുധൻ ദിവസങ്ങളിൽ അടച്ചിടും. ആവശ്യമില്ലാതെ ആരും ഈ ദിവസങ്ങളിൽ പുറത്തിറങ്ങാൻ പാടില്ല. അനാവശ്യമായി റോഡുകളിൽ ഇറങ്ങിയാൽ ദുരന്തനിവാരണ ആക്ട് പ്രകാരം പോലീസ് കേസെടുക്കും. പാൽ, പത്രം, മരുന്ന്, സർക്കാർ ഓഫീസുകൾ എന്നിവ പ്രവർത്തിക്കുമെന്ന് നഗരസഭാ ചെയർപേഴ്സൺ ജയന്തി പ്രവീൺകുമാർ അറിയിച്ചു.