തൊടുപുഴ: ഇടുക്കി പുറ്റടിയില് വീടിന് തീപിടിച്ച് ദമ്പതികള് മരിച്ചു. രവീന്ദ്രന് (50), ഭാര്യ ഉഷ (45) എന്നിവരാണ് മരിച്ചത്. മകള് ശ്രീധന്യ ഗുരുതരാവസ്ഥയില് ചികിത്സയിലാണ്. ഇന്ന് പുലര്ച്ചെ ഒരു മണിയോടെയാണ് അപകടമുണ്ടായത്. ഷോര്ട്ട്സര്ക്ക്യൂട്ടാണ് അപകടകാരണമെന്നാണ് സംശയം.
ലൈഫ് പദ്ധതിയിലൂടെ ലഭിച്ച വീട്ടില് രണ്ട് ദിവസം മുമ്പാണ് ഇവര് താമസം തുടങ്ങിയത്. വീടിന് തീപിടിച്ച വിവരം മകളാണ് നാട്ടുകാരെ അറിയിച്ചത്. തുടര്ന്ന് നാട്ടുകാര് മകളെ ഉടന് അടുത്തുള്ള സ്വകാര്യ ആശുപത്രിയില് പ്രവേശിപ്പിക്കുകയായിരുന്നു.
പിന്നീട് ഫയര്ഫോഴ്സ് ഉള്പ്പടെ സ്ഥലത്തെത്തിയാണ് പൂര്ണതോതിലുള്ള രക്ഷാപ്രവര്ത്തനം നടത്തിയത്. രവീന്ദ്രനേയും ഉഷയേയും സമീപത്തെ സ്വകാര്യ ആശുപത്രിയില് പ്രവേശിപ്പിച്ചുവെങ്കിലും മരിച്ചിരുന്നു.