തിരുവനന്തപുരം: സംസ്ഥാനത്ത് ഇന്നും നാളെയും കനത്ത മഴയ്ക്ക് സാധ്യതയുള്ളതായി മുന്നറിയിപ്പ്. എറണാകുളം, ഇടുക്കി, ആലപ്പുഴ, പത്തനംതിട്ട, കോട്ടയം, കൊല്ലം, തിരുവനന്തപുരം ജില്ലകളില് മഴയ്ക്ക് സാധ്യതയുണ്ട്. മദ്ധ്യ,വടക്കന് ജില്ലകളിലും ഒറ്റപ്പെട്ട പ്രദേശങ്ങളില് മഴ ലഭിക്കും. ഇതിന്റെ പശ്ചാത്തലത്തില് ഇന്ന് കൊല്ലം, ആലപ്പുഴ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
ഇന്നു മുതല് 9 വരെ കൊല്ലം, ആലപ്പുഴ,കൊച്ചി, പൊന്നാനി,കോഴിക്കോട്,കണ്ണൂര്,കാസര്കോട് ജില്ലകളിലെ തീര പ്രദേശത്ത് ഉയര്ന്ന തിരമാലയ്ക്കും കടലാക്രമണത്തിനും സാദ്ധ്യതയുള്ളതിനാല് തീരദേശവാസികള് ജാഗ്രത പാലിക്കണം. നാളെ മഴ കൂടുതല് ജില്ലകളിലേക്ക് വ്യാപിക്കും.