തിരുവനന്തപുരം: ബഫര്സോണ് വിഷയത്തില് സര്ക്കാരിന് മുന്നില് പരാതി പ്രളയം. 12000 ലേറെ പരാതികളാണ് ഇതുവരെ കിട്ടിയത്. ഉപഗ്രഹ സര്വേ റിപ്പോര്ട്ടിന്മേലും ഇന്നലെ പ്രസിദ്ധീകരിച്ച ഭൂപടത്തിന്മേലും ആണ് പരാതികള്. സ്വന്തം വീടുകളും കെട്ടിടങ്ങളും ബഫര് പരിധിയില് പെട്ടതിന്റെ ഫോട്ടോകള് സഹിതമാണ് പല പരാതികളും വന്നിരിക്കുന്നത്.
ജനുവരി 11 ന് സുപ്രീം കോടതി കേസ് പരിഗണിക്കും മുന്പ് ഫീല്ഡ് സര്വേ നടത്തി റിപ്പോര്ട്ടുകള് പുതുക്കി നല്കണം എന്നതാണ് സര്ക്കാരിന് മുന്നിലെ വെല്ലുവിളി.
അതേ സമയംസൈലന്റ് വാലി ദേശീയോദ്യാനത്തിന് ചുറ്റുമുള്ള പരിസ്ഥിതി ലോല പ്രദേശത്തിന്റെ ആകാശ സര്വേ ഭൂപടത്തില് പിഴവുണ്ടെന്നാണ് ഡിഎഫ്ഒ എസ്. വിനോദ് പറയുന്നത്. സൈലന്റ് വാലിക്ക് നേരത്തെ തന്നെ ബഫര് സോണ് ഉള്ളതിനാല്, കൂട്ടിച്ചേര്ക്കല് വേണ്ടിവരില്ല. ജനങ്ങള് ആശങ്കപ്പെടേണ്ട സാഹചര്യമില്ലെന്നും ഡിഎഫ്ഒ അറിയിച്ചു.