കാസര്ഗോഡ്: ഭക്ഷ്യ വിഷബാധയേറ്റ് വീണ്ടും മരണം. കാസര്ഗോഡ് തലക്ലായിലെ അഞ്ജുശ്രീ പാര്വതിയാണ് മരിച്ചത്. കാസര്ഗോട്ടെ അല് റമന്സിയ ഹോട്ടലില് നിന്ന് ഓണ്ലൈനില് വരുത്തിച്ച കുഴിമന്തി കഴിച്ചതോടെ ശാരീരിക അസ്വസ്ഥത അനുഭവപ്പെടുകയായിരുന്നു. തുടര്ന്ന് ഗുരുതരാവസ്ഥയിലായ പെണ്കുട്ടിയെ മംഗളൂരുവിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
ബന്ധുക്കള് മേല്പ്പറമ്പ് പൊലീസില് പരാതി നല്കി. പെണ്കുട്ടി ഭക്ഷ്യ വിഷബാധയേറ്റ് മരിച്ച സംഭവത്തില് ആരോഗ്യ വകുപ്പ് മന്ത്രി വീണാ ജോര്ജ് അന്വേഷണത്തിന് ഉത്തരവിട്ടു. ഇത് സംബന്ധിച്ച് അടിയന്തരമായി അന്വേഷിച്ച് റിപ്പോര്ട്ട് നല്കാന് ഭക്ഷ്യ സുരക്ഷാ കമ്മീഷണര്ക്ക് നിര്ദേശം നല്കി.