തിരുവനന്തപുരം: സംസ്ഥാനത്തെ എല്ലാ സര്വ്വകലാശാലകളിലും ആര്ത്തവാവധി നടപ്പാക്കുന്നത് പരിഗണിക്കുമെന്ന് ഉന്നത വിദ്യാഭ്യാസ മന്ത്രി ആര്. ബിന്ദു. കൊച്ചി ശാസ്ത്ര സാങ്കേതിക സര്വ്വകലാശാലയില് നടപ്പാക്കിയ ആര്ത്തവാവധി മാതൃകയാണ് സംസ്ഥാന വ്യാപകമാക്കാന് പരിഗണിക്കുന്നതെന്നും മന്ത്രി പറഞ്ഞു.
എസ്എഫ്ഐ നേതൃത്വം നല്കുന്ന വിദ്യാര്ത്ഥി യൂണിയന്റെ ആവശ്യ പ്രകാരമാണ് കുസാറ്റില് ആര്ത്തവാവധി നല്കാന് തീരുമാനിച്ചത്. ആര്ത്തവ സമയത്ത് വിദ്യാര്ഥിനികള് അനുഭവിക്കുന്ന മാനസിക, ശാരീരിക ബുദ്ധിമുട്ടുകള് കണക്കിലെടുത്താണ് തീരുമാനം വ്യാപിപ്പിക്കാന് ആലോചിക്കുന്നതെന്നും മന്ത്രി വിശദീകരിച്ചു.
വിദ്യാര്ത്ഥികള്ക്ക് ഓരോ സെമസ്റ്ററിലും പരീക്ഷയെഴുതാന് 75 ശതമാനം ഹാജരാണ് വേണ്ടത്. എന്നാല് ആര്ത്തവാവധി പരിഗണിച്ച് വിദ്യാര്ത്ഥിനികള്ക്ക് 73 ശതമാനം ഹാജരുണ്ടായാലും പരീക്ഷയെഴുതാം എന്ന ഭേദഗതിയാണ് കൊച്ചി ശാസ്ത്ര സാങ്കേതിക സര്വ്വകലാശാല കൊണ്ടു വന്നത്.