തിരുവനന്തപുരം: സംസ്ഥാനത്ത് ഭക്ഷ്യ സുരക്ഷയുടെ ഭാഗമായി ഒരാഴ്ച്ചക്കിടെ 2551 സ്ഥാപനങ്ങളില് പരിശോധന നടത്തിയെന്ന് മന്ത്രി വീണാ ജോര്ജ്.
വൃത്തിഹീനമായി പ്രവര്ത്തിച്ചതും ലൈസന്സ് ഇല്ലാതിരുന്നതുമായ 102 സ്ഥാപനങ്ങളുടെ പ്രവര്ത്തനം നിര്ത്തി വയ്പ്പിച്ചു. 564 സ്ഥാപനങ്ങള്ക്ക് നോട്ടീസ് നല്കിയെന്നും മന്ത്രി വ്യക്തമാക്കി.
അതേസമയം പെരിന്തല്മണ്ണയില് പേരയ്ക്ക മോഷ്ടിച്ചെന്ന് ആരോപിച്ച് 12 വയസുകാരനെ ക്രൂരമായി മര്ദിച്ച സംഭവത്തില് അന്വേഷണത്തിന് നിര്ദേശം നല്കിയതായും മന്ത്രി അറിയിച്ചു. ഇതുസംബന്ധിച്ച് അന്വേഷിച്ച് റിപ്പോര്ട്ട് നല്കാന് വനിത ശിശുവികസന വകുപ്പ് ഡയറക്ടര്ക്കാണ് മന്ത്രി നിര്ദേശം നല്കിയിട്ടുള്ളത്.
കുട്ടിക്ക് ആവശ്യമായ ചികിത്സയും നിയമപരമായ പരിരക്ഷയും ഉറപ്പ് നല്കാനും മന്ത്രി നിര്ദേശം നല്കിയിട്ടുണ്ട്. കളിക്കാനെത്തിയ കുട്ടികള് പറമ്പില് നിന്ന് പേരയ്ക്ക മോഷ്ടിച്ചെന്ന് ആരോപിച്ചായിരുന്നു മര്ദനം.