തിരുവനന്തപുരം: സ്കൂളുകൾ തുറന്നതിനു പിന്നാലെ സംസ്ഥാനത്തെ കോളേജുകളും ഇന്നു മുതൽ നിയന്ത്രണങ്ങളോടെ പ്രവർത്തനം ആരംഭിച്ചു. ഒരു സമയം പകുതി വിദ്യാർഥികൾക്കു മാത്രമേ പ്രവേശനം അനുവദിക്കുകയുള്ളു. 2 ബാച്ച് ആയി, ഒരു വിദ്യാർഥിക്ക് 5 മണിക്കൂർ അധ്യയനം ലഭിക്കുന്ന രീതിയിൽ ക്ലാസുകൾ ക്രമീകരിക്കണം. രാവിലെ 8.30 മുതൽ വൈകിട്ട് 5 വരെ ആയിരിക്കും പ്രവർത്തനസമയം. ശനിയാഴ്ചകളിലും ക്ലാസ് ഉണ്ടായിരിക്കും.
ആർട്സ് ആൻഡ് സയൻസ്, മ്യസിക്, ഫൈൻ ആർട്സ്, ഫിസിക്കൽ എജ്യുക്കേഷൻ, പോളിടെക്നിക് എന്നിവിടങ്ങളിൽ 5, 6 സെമസ്റ്റർ വിദ്യാർത്ഥികൾക്കും പിജി ക്ലാസുകൾ, എൻജിനീയറിങ് കോളജുകളിൽ 7–ാം സെമസ്റ്റർ ബിടെക്, 9–ാം സെമസ്റ്റർ ബിആർക്, 3–ാം സെമസ്റ്റർ എംടെക്, എംആർക്, എംപ്ലാൻ, 5–ാം സെമസ്റ്റർ എംസിഎ, 9–ാം സെമസ്റ്റർ ഇന്റഗ്രേറ്റഡ് എംസിഎ എന്നീ വിദ്യാർത്ഥികൾക്കും ആണ് ക്ലാസുകൾ ആരംഭിച്ചിരിക്കുന്നത്.