കൊച്ചി: സ്വര്ണക്കടത്ത് കേസുമായി ബന്ധപ്പെട്ട് മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം ശിവശങ്കറിന് ലഭിച്ച ജാമ്യം റദ്ദാക്കണമെന്ന് ആവശ്യപ്പെട്ട് ഇഡി സുപ്രിംകോടതിയെ സമീപിച്ചതിനെതിരെ ശിവശങ്കറും സുപ്രീം കോടതിയിൽ ഹർജി ഫയൽ ചെയ്തു. ഇഡിയുടെ കൊച്ചി സോണല് ഓഫീസിലെ അസിസ്റ്റന്റ് ഡയറക്ടറാണ് ഹൈക്കോടതി ഉത്തരവ് റദ്ദാക്കണമെന്നാവശ്യപ്പെട്ട് സുപ്രിംകോടതിയില് ഹര്ജി സമര്പ്പിച്ചിരിക്കുന്നത്. ശിവശങ്കര് ജാമ്യത്തില് കഴിയുന്നത് കേസ് അന്വേഷണത്തെ പ്രതികൂലമായി ബാധിക്കുമെന്നാണ് ഹര്ജിയില് പറഞ്ഞിരിക്കുന്നത്.
എന്നാൽ ഇഡിയുടെ ഹര്ജി പരിഗണിക്കുന്നതിന് മുന്പ് തന്റെ വാദം കേള്ക്കണമെന്നാണ് ശിവശങ്കര് ഹര്ജിയില് ആവശ്യപ്പെട്ടിരിക്കുന്നത്. ആരോഗ്യപ്രശ്നങ്ങള് കണക്കിലെടുത്ത് കഴിഞ്ഞ മാസം 25 നാണ് ശിവശങ്കറിന് ഹൈക്കോടതി ജാമ്യം അനുവദിച്ചത്.