തിരുവനന്തപുരം: നെടുങ്കണ്ടം കസ്റ്റഡി കൊലപാതകത്തില് പ്രതികളായ പോലീസുകാരെ പിരിച്ചുവിടാന് സര്ക്കാര് തീരുമാനിച്ചു. ജസ്റ്റിസ് കെ നാരായണക്കുറുപ്പ് കമ്മീഷന്റെ ശുപാര്ശകള് മന്ത്രിസഭായോഗം അംഗീകരിച്ചു.
സബ് ഇന്സ്പെക്ടര് കെ എ സാബു, എഎസ്ഐ റജിമോന്, പോലീസ് ഡ്രൈവര് നിയാസ്, സജീവ് ആന്റണി, ഹോം ഗാര്ഡായിരുന്ന ജയിംസ്, സിവില് പോലീസ് ഓഫീസര് ജിതിന് കെ ജോര്ജ്, എഎസ്ഐ റോയ് കെ വര്ഗീസ്, സീനിയര് എഎസ്ഐ ബിജു ലൂക്കോസ്, വനിതാ സിവില് പോലീസ് ഓഫീസര് ഗീത ഗോപിനാഥ് എന്നിവരാണ് പ്രതികൾ.
ഇവര് കുറ്റക്കാരാണെന്ന് സിബിഐ കോടതിയില് കുറ്റപത്രം സമര്പ്പിച്ചിരുന്നു. ഇതിന്റെ അടിസ്ഥാനത്തിലാണ് പ്രതികളെ പിരിച്ചുവിടാൻ തീരുമാനമായത്.