പാലക്കാട്: കോങ്ങാടിന് സമീപം സ്വകാര്യബസ് മറിഞ്ഞ് അപകടം. 20 ഓളം പേര്‍ക്ക് പരിക്ക്. ആരുടേയും പരിക്ക് ഗുരുതരമല്ലെന്നാണ് റിപ്പോര്‍ട്ട്.
കോങ്ങാട് - ചെര്‍പ്പുളശ്ശേരി റോഡില്‍ പാറശേരിയിലാണ് അപകടം നടന്നത്. പാലക്കാട് നിന്നും ചെര്‍പ്പുളശേരിയിലേക്ക് പോകുകയായിരുന്നു ബസ്. ഇരുപതോളം പേര്‍ക്ക് പരിക്കേറ്റു. വെള്ളിയാഴ്ച രാത്രി 7:50 നാണ് അപകടം ഉണ്ടായത്.
അപകട വിവരം അറിഞ്ഞ ഉടന്‍ നാട്ടുകാരും അഗ്നി രക്ഷാ വിഭാഗവും, പൊലീസും സ്ഥലത്തെത്തി രക്ഷാ പ്രവര്‍ത്തനത്തിലേര്‍പ്പെട്ടു. പരിക്കേറ്റവരെ കോങ്ങാട്, കടമ്പഴിപ്പുറം, പാലക്കാട് ജില്ലാ ആശുപത്രികളില്‍ പ്രവേശിപ്പിച്ചു.