കൊച്ചി: നടിയെ തട്ടിക്കൊണ്ടു പോയി ആക്രമിച്ച കേസില് നടന്റെ ജാമ്യം റദ്ദാക്കണമെന്ന പ്രോസിക്യൂഷന് ഹര്ജിയില് വിചാരണക്കോടതി ഇന്ന് വാദം കേള്ക്കും. സാക്ഷികളെ സ്വാധീനിക്കാന് നടൻ ശ്രമിച്ചെന്നും ജാമ്യവ്യവസ്ഥകള് ലംഘിച്ചതിനാല് ജാമ്യം റദ്ദാക്കണം എന്നുമാണ് ആവശ്യം.
ഒരു പ്രതിയെകൂടി കോടതി ഇന്നലെ മാപ്പുസാക്ഷിയായി അംഗീകരിച്ചിരുന്നു. പത്താം പ്രതി വിഷ്ണു നല്കിയ ഹര്ജിയാണ് കൊച്ചിയിലെ വിചാരണ കോടതി അംഗീകരിച്ചത്. മുന് സ്പെഷ്യല് പ്രോസിക്യൂട്ടറുടെ കാലത്താണ് ഹര്ജി നല്കിയതെങ്കിലും പല കാരണങ്ങളാല് വാദം പൂര്ത്തിയാക്കാന് കഴിഞ്ഞിരുന്നില്ല.