തിരുവനന്തപുരം: രണ്ട് ദിവസത്തെ ഇടവേളയ്ക്ക് ശേഷം ഇന്ന് വീണ്ടും ഇന്ധനവില കൂട്ടി. ഇക്കഴിഞ്ഞ 23 ദിവങ്ങള്ക്കിടെ 17 തവണയാണ് ഇന്ധനവില വര്ധിപ്പിച്ചത്. പെട്രോളിന് 35 പൈസയും ഡീസലിന് 37 പൈസയുമാണ് ഇന്ന് വര്ധിപ്പിച്ചത്. ഇതോടെ കൊച്ചിയിലെ ഇന്നത്തെ പെട്രോള് വില ലിറ്ററിന് 91 രൂപ 9 പൈസയായി. ഡീസലിന് ലിറ്ററിന് 85 രൂപ 76 പൈസയായി. തിരുവനന്തപുരത്ത് പെട്രോള് ലിറ്ററിന് 92 രൂപ 81 പൈസയും ഡീസലിന് 87 രൂപ 38 പൈസയുമാണ്.
എന്നാല് ഇന്ധന വിലയിലെ കേന്ദ്ര നികുതിയുടെ ഭാഗം കുറയ്ക്കാനാകില്ലെന്നാണ് കേന്ദ്ര സര്ക്കാര് പറയുന്നത്. വരും ദിവസങ്ങളിലും പെട്രോളിന്റെയും ഡീസലിന്റെയും വില വര്ധിക്കുമെന്നാണ് വിവരങ്ങള്. ക്രൂഡ് ഓയിലിന്റെ വില വര്ധിക്കുന്നതാണ് ഇന്ധനവില വര്ധനവിന് പ്രധാന കാരണം.