കൊച്ചി: സംസ്ഥാനത്ത് സ്വര്‍ണ വില സര്‍വകാല റെക്കോര്‍ഡില്‍. ഒരു പവന് സ്വര്‍ണത്തിന്റെ വില 60200 രൂപയിലെത്തി. പവന് 600 രൂപയാണ് ഒറ്റയടിക്ക് കൂടിയത്. ഗ്രാമിന് 75 രൂപ കൂടി. ഒരു ഗ്രാം സ്വര്‍ണത്തിന്റെ വില 7525 രൂപയാണ്.
കഴിഞ്ഞ വര്‍ഷം ഒക്ടോബര്‍ 31 ന് രേഖപ്പെടുത്തിയ 59,640 രൂപയാണ് ഏറ്റവും ഉയര്‍ന്ന സ്വര്‍ണ വില. ഈ റെക്കോര്‍ഡും കടന്നാണ് സ്വര്‍ണ വില കുതിക്കുന്നത്.
ഈ മാസം ആദ്യം 57200 രൂപയായിരുന്നു പവന്റെ വില. ഇതാണ് ഈ മാസത്തെ ഏറ്റവും താഴ്ന്ന നിലവാരം. ഡോളര്‍ ശക്തിയാര്‍ജിക്കുന്നതും ആഗോള വിപണിയിലെ ചലനങ്ങളുമാണ് സ്വര്‍ണ വിലയെ സ്വാധീനിക്കുന്നത്.