മലപ്പുറം: മലപ്പുറം ലോക്സഭാ ഉപതിരഞ്ഞെടുപ്പില് ഇടത് മുന്നണി സ്ഥാനാര്ഥിയായി വി പി സാനുവും എന് ഡി എ സ്ഥാനാര്ഥിയായി എ പി അബ്ദുല്ലക്കുട്ടിയും മത്സരിക്കും.
അതേസമയം ലീഗ് മത്സരിക്കുന്ന സീറ്റില് മുൻ രാജ്യസഭാ അംഗമായ അബ്ദു സമദ് സമദാനി അടക്കമുള്ളവരെയാണ് മുസ്ലിം ലീഗ് ഇവിടെ സ്ഥാനാർഥിയായി പരിഗണിക്കുന്നത്.
എസ് എഫ് ഐ ദേശീയ അധ്യക്ഷനാണ് സാനു. 2019ല് കുഞ്ഞാലിക്കുട്ടിക്കെതിരെ മത്സരിച്ചിരുന്നു. അന്ന് 2,60,153 വോട്ടിനാണ് സാനു പരാജയപ്പെട്ടത്. നിയമസഭയിലേക്ക് മത്സരിക്കുന്നതിനാണ് കുഞ്ഞാലിക്കുട്ടി എം പി സ്ഥാനം രാജിവെച്ചത്. നേരത്തേ, നിയമസഭാംഗത്വം രാജിവെച്ചായിരുന്നു അദ്ദേഹം പാര്ലിമെന്റിലേക്ക് മത്സരിച്ചിരുന്നത്.