ചങ്ങനാശേരി: സംസ്ഥാനത്ത് ഭരണമാറ്റം ഉണ്ടാകണമെന്ന് ജനങ്ങള് ആഗ്രഹിക്കുന്നെന്നാണ് തന്റെ വിശ്വാസമെന്ന് എന്എസ്എസ് ജനറല് സെക്രട്ടറി ജി. സുകുമാരന് നായര്.
സാമൂഹ്യനീതിയും വിശ്വാസവും സംരക്ഷിക്കുന്നവര്ക്ക് വോട്ടുചെയ്യണം. ഈ നാടിന്റെ അവസ്ഥ അതാണ്. അത് ജനങ്ങള് മനസിലാക്കി ഒരു നല്ല സര്ക്കാര്, ജനങ്ങള്ക്ക് സൈ്വര്യവും സമാധാനവും നല്കുന്ന സര്ക്കാര് ഉണ്ടാകുമെന്ന് പ്രതീക്ഷിക്കുന്നു. കുറച്ചു കാലമായി വിശ്വാസികളുടെ പ്രതിഷേധം ഉണ്ട്. ഇപ്പോഴും അത് നിലനില്ക്കുന്നുണ്ടെന്നും അദ്ദേഹം പറഞ്ഞു.
വാഴപ്പള്ളി സെന്റ് തെരേസാസ് ഹൈസ്കൂളിലാണ് സുകുമാരന് നായര് വോട്ട് രേഖപ്പെടുത്തിയത്. രാവിലെ വോട്ട് ചെയ്ത ശേഷം മാധ്യമങ്ങളോട് പ്രതികരിക്കുമ്പോഴാണ് സമദൂരം എന്ന മുന് നിലപാട് തിരുത്തിക്കൊണ്ട് സുകുമാരന് നായര് പ്രസ്താവന നടത്തിയത്.