കൊച്ചി: ഉദ്യോഗസ്ഥര്ക്കെതിരായ ക്രൈംബ്രാഞ്ച് കേസുകള് റദ്ദാക്കണമെന്നാവശ്യപ്പെട്ട് ഇ.ഡി നല്കിയ ഹര്ജികളില് ഹൈക്കോടതി ഇന്ന് വിധി പറയും. വസ്തുതകളുടെയും പ്രാഥമിക അന്വേഷണത്തിന്റെയും അടിസ്ഥാനത്തിലാണ് ഇ.ഡി ഉദ്യോഗസ്ഥര്ക്കെതിരെ കേസെടുത്തതെന്നാണ് സര്ക്കാരിന്റെ നിലപാട്.
ഇ.ഡിയുടെ ഹര്ജി നിയമപരമായി നിലനില്ക്കുന്നതല്ലെന്നും അന്വേഷണത്തില് കോടതി ഇടപെടരുതെന്നും ക്രൈംബ്രാഞ്ച് കഴിഞ്ഞ ദിവസം ഹൈക്കോടതിയില് ആവശ്യപ്പെട്ടിരുന്നു. മുഖ്യമന്ത്രിക്കെതിരെ മൊഴി നല്കാന് സ്വര്ണക്കടത്ത് കേസ് പ്രതികളായ സ്വപ്ന സുരേഷിനെയും സന്ദീപ് നായരെയും അന്വേഷണ ഉദ്യോഗസ്ഥര് നിര്ബന്ധിച്ചുവെന്നാരോപിച്ചാണ് ഇ.ഡി ഉദ്യോഗസ്ഥര്ക്കെതിരെ ക്രൈംബ്രാഞ്ച് കേസുകള് രജിസ്റ്റര് ചെയതത്.