തിരുവനന്തപുരം: അശ്ലീലപ്രചാരണം നടത്തിയ ആളെ കയ്യേറ്റം ചെയ്ത കേസിൽ ഡബ്ബിങ് ആർട്ടിസ്റ്റും നടിയുമായ ഭാഗ്യലക്ഷ്മി ഹൈക്കോടതിയിൽ മുൻകൂർ ജാമ്യാപേക്ഷ നൽകി. കേസിലെ മറ്റു പ്രതികളായ ശ്രീലക്ഷ്മി അറയ്ക്കൽ , ദിയ സന എന്നിവരും ജാമ്യാപേക്ഷ നൽകിയിട്ടുണ്ട്. തമ്പാനൂർ പോലീസ് രജിസ്റ്റർ ചെയ്ത കേസിനെ തുടർ ന്നു സമർപ്പിച്ച ജാമ്യാപേക്ഷ നാളെ കോടതി പരിഗണിക്കും. സെഷൻസ് കോടതി മുൻകൂർ ജാമ്യാപേക്ഷ തള്ളിയ പശ്ചാത്തലത്തിലാണ് ഇവർ ഹൈക്കോടതിയെ സമീപിച്ചത്.