ന്യുഡല്ഹി: കോവിഡ് രണ്ടാം വ്യാപനം രാജ്യത്തിന്റെ സാമ്പത്തിക വളര്ച്ചയെ ഗുരുതരമായി ബാധിച്ചുവെന്ന് കേന്ദ്ര സര്ക്കാര്. വാക്സിന് നിര്മ്മിക്കാനുള്ള ഘടകങ്ങളുടെ ലഭ്യതയില് കുറവ് അനുഭവിക്കുന്നുണ്ടെന്നും ധനകാര്യമന്ത്രി നിര്മല സീതാരാമന് വ്യക്തമാക്കി. വാക്സിന് ഉത്പാദനത്തിലെ പ്രതിസന്ധി മറികടക്കാനാകുമെന്നാണ് പ്രതീക്ഷയെന്നും ധനകാര്യ മന്ത്രി.
വ്യാപനത്തെ വളരെ വേഗത്തില് മറിടക്കാന് സാധിച്ചില്ലെങ്കില് ആപത്കരമെന്നും ധനകാര്യ മന്ത്രിയുടെ സൂചന. കൂടാതെ കോവിഡ് വാക്സിന് കൂടുതല് ജനങ്ങളിലേക്ക് എത്തിക്കുന്നതിലൂടെ പ്രതിസന്ധി മറികടക്കാന് ആകുമെന്ന ശുഭാപ്തി വിശ്വാസം മന്ത്രി പ്രകടിപ്പിച്ചു. ഈ കൊടുങ്കാറ്റിനൊപ്പവും ഇന്ത്യ സഞ്ചരിക്കുമെന്നും പൊതു ആരോഗ്യ സംവിധാനങ്ങള് ഉപയോഗിച്ച് രോഗികളെ സമയത്ത് തന്നെ പരിചരിക്കുമെന്നും അവര് കൂട്ടിച്ചേര്ത്തു. ഏഷ്യന് ഡെവലപ്മെന്റ് ബാങ്കിന്റെ വെര്ച്വല് വാര്ഷിക മീറ്റിംഗിന് ഇടയിലാണ് ധനമന്ത്രി ഇക്കാര്യങ്ങള് വ്യക്തമാക്കിയത്.