ന്യൂഡൽഹി: കോവിഡ വ്യാപന തുടരുന്ന പശ്ചാത്തലത്തിൽ രോഗം മൂലം അനാഥരായ കുട്ടികള്ക്ക് സൗജന്യ വിദ്യാഭ്യാസം നല്കണമെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോഡിക്ക് കത്തയച്ച് സോണിയ ഗാന്ധി.
രാജ്യത്തിന്റെ വിവിധ ഭാഗങ്ങളിലുള്ള നവോദയ വിദ്യാലയങ്ങളില് ഇതിനുള്ള സൗകര്യം ഒരുക്കണം. രക്ഷിതാക്കള് നഷ്ടപ്പെട്ട കുട്ടികള്ക്ക് ഭാവിയേക്കുറിച്ചുള്ള പ്രതീക്ഷ നല്കേണ്ട ഉത്തരവാദിത്വം സര്ക്കാരിനുണ്ടെന്നും സോണിയ കത്തില് ചൂണ്ടിക്കാട്ടിയിട്ടുണ്ട്.
ഹിമാചല് പ്രദേശിലെ കംഗ്ര ജില്ലയില് കോവിഡ് മൂലം അനാഥരായ കുട്ടികളെയെല്ലാം ദത്തെടുക്കുമെന്ന് അവിടുത്തെ കോണ്ഗ്രസ് നേതാവ് ജി.എസ് ബാലി കഴിഞ്ഞ ദിവസം പറഞ്ഞിരുന്നു. പിന്നാലെയാണ് ഈ വിഷയത്തില് സോണിയ പ്രധാനമന്ത്രിക്ക് കത്തയച്ചത്.