ന്യുഡല്ഹി: എസ്ബിഐ ഡിജിറ്റല് സേവനങ്ങള് ഇന്ന് ബാങ്ക് സമയം അവസാനിച്ചതിന് ശേഷം അടുത്ത 14 മണിക്കൂര് സമയത്തേയ്ക്ക് ലഭിക്കില്ലെന്ന് സ്റ്റേറ്റ് ബാങ്ക് ഓഫ് ഇന്ത്യ. ട്വിറ്ററിലാണ് എസ്ബിഐ ഇക്കാര്യം അറിയിച്ചിരിക്കുന്നത്. നെഫ്റ്റ് സംവിധാനങ്ങളുടെ നവീകരണം നടത്തുന്നതിനാലാണ് ഡിജിറ്റല് സേവനങ്ങളെ ബാധിക്കുന്നതെന്ന് ബാങ്ക് അറിയിച്ചു.
എസ്ബിഐ ഉപഭോക്താക്കള്ക്ക് ഞായറാഴ്ച വെളുപ്പിനെ 12 മുതല് ഉച്ചയ്ക്ക് 2 വരെ ഇന്റര്നെറ്റ് ബാങ്കിംഗ്, യോനോ, യോനോ ലൈറ്റ് എന്നിവ ഉപയോഗിക്കാന് കഴിയില്ല. മെയ് 23 ഞായറാഴ്ച വൈകുന്നേരം മുതല് ആര്ടിജിഎസ് സേവനങ്ങള് ലഭ്യമാകും. ഈ മാസം 7, 8 തീയതികളില് അറ്റകുറ്റപ്പണി കാരണം എസ്ബിഐയുടെ ഓണ്ലൈന് സേവനങ്ങളെ ബാധിച്ചിരുന്നു.