കവരത്തി: ലക്ഷദ്വീപ് ബിജെപിയില് കൂട്ടരാജി. യുവമോര്ച്ച ജനറല് സെക്രട്ടറി പി.പി.മുഹമ്മദ് ഹാഷിമടക്കം എട്ടുപേര് രാജിക്കത്ത് നല്കി. ലക്ഷദ്വീപിന്റെ ചുമതലയുള്ള എ.പി അബ്ദുള്ളക്കുട്ടിക്കാണ് രാജിക്കത്തുകള് ഇ മെയിലില് അയച്ചത്. ലക്ഷദ്വീപ് അഡ്മിനിസ്ട്രേഷന് കൈക്കൊള്ളുന്ന ഏകപക്ഷീയമായ തീരുമാനങ്ങള് ലക്ഷദ്വീപിന്റെ സമാധാനത്തിന് ഹാനികരം ആയതുകൊണ്ട് ബിജെപിയുടെ പ്രാഥമിക അംഗത്വത്തില് നിന്ന് രാജിവെക്കുന്നുവെന്നാണ് കത്തില് വ്യക്തമാക്കിയത്.
മുന് സംസ്ഥാന വൈസ് പ്രസിഡന്റ്, ട്രഷറര് എന്നിവര് ഉള്പ്പെടെ ഉള്ളവരാണ് രാജിവച്ചിട്ടുള്ളത്. ബിജെപിയില് വലിയ അഭിപ്രായ വ്യത്യാസങ്ങള് ഉള്ളതായി റിപ്പോര്ട്ടുകള് പുറത്തുവന്നിരുന്നു. ചില നേതാക്കള് അഡ്മിനിസ്ട്രേറ്ററുടെ നിലപാടുകള്ക്കെതിരെ പരസ്യമായി രംഗത്തെത്തിയിരുന്നു. എന്നാല് മറ്റു ചില നേതാക്കള് അനുകൂലിക്കുകയും ചെയ്തിരുന്നു.