ന്യൂഡല്ഹി: രാജ്യത്തെ സിനിമാ നിയമങ്ങള് സമഗ്രമായി പരിഷ്കരിക്കാനുള്ള നിയമത്തിന്റെ കരട് ബിൽ തയ്യാറാക്കി കേന്ദ്ര സര്ക്കാര്. സിനിമയുടെ വ്യാജ പകര്പ്പുകള്ക്ക് തടവ് ശിക്ഷയും പിഴയും നല്കുന്ന വിധത്തിലാണ് കരട് ബില്ല്.
പ്രായത്തിന് അനുസരിച്ച് സെന്സറിഗ് ഏര്പ്പെടുത്തും. സെന്സര് ചെയ്ത ചിത്രങ്ങള് വീണ്ടും പരിശോധിക്കാന് നിര്ദേശം നല്കാന് കേന്ദ്ര സര്ക്കാരിന് അധികാരം നല്കുന്നത് കൂടിയാണ് ബില്ല്.
സെന്സര് ചെയ്ത ചിത്രം വീണ്ടും പരിശോധിക്കാന് കേന്ദ്ര സര്ക്കാരിന് അധികാരം നല്കുന്നത് തടഞ്ഞ കര്ണാടക ഹൈക്കോടതി വിധി സുപ്രീം കോടതി ശരിവെച്ചിരുന്നു. 2000 നവംബറില് ആയിരുന്നു സുപ്രീംകോടതി വിധി.
അതേസമയം കരടിന്മേല് സര്ക്കാര് പൊതുജനാഭിപ്രായം തേടി. ജൂലായ് രണ്ടിനുള്ളില് അഭിപ്രായം വാര്ത്താ വിതരണ പ്രക്ഷേപണ മന്ത്രാലയത്തെ അറിയിക്കാനാണ് നിര്ദേശം.