തിരുവനന്തപുരം: അമ്മ മകനെ പീഡിപ്പിച്ചെന്ന കടയ്ക്കാവൂര് കേസില് ആരോപണം വ്യാജമാണെന്നാണ് വ്യക്തമായതായി പൊലീസ്. പതിമൂന്നുകാരന്റെ മൊഴി വിശ്വാസ യോഗ്യമല്ലെന്ന് പ്രത്യേക അന്വേഷണ സംഘം കോടതിയില് അറിയിച്ചു. കണ്ടെത്തലുകള് വിശദമായ ശാസ്ത്രീയ പരിശോധനയ്ക്ക് ശേഷമാണെന്നാണ് അന്വേഷണസംഘം പറയുന്നത്.
പതിമൂന്നുകാരനെ മൂന്ന് വര്ഷത്തോളം ലൈംഗിക ചൂഷണത്തിനിരയാക്കിയെന്ന പരാതിയിലാണ് കടയ്ക്കാവൂര് പൊലീസ് കുട്ടിയുടെ അമ്മയെ ഇക്കഴിഞ്ഞ ഡിസംബര് 28ന് അറസ്റ്റ് ചെയ്തത്. വ്യക്തിപരമായ വിരോധങ്ങള് തീര്ക്കാന് മുന് ഭര്ത്താവ് മകനെക്കൊണ്ട് കള്ളമൊഴി നല്കിപ്പിച്ചതാണെന്നായിരുന്നു അമ്മയുടെ വാദം.
എന്നാല് മകനെ ഉപയോഗിച്ച് കള്ള പരാതി നല്കിയിട്ടില്ല. ഒരു കുട്ടിയിലും കാണാന് ആഗ്രഹിക്കാത്ത വൈകൃതങ്ങള് മകനില് കണ്ടെന്നും ഇതിനെ തുടര്ന്നാണ് പൊലീസില് വിവരം അറിയിച്ചത് എന്നുമായിരുന്നു സ്ത്രീയുടെ മുന് ഭര്ത്താവിന്റെ വാദം. അമ്മയ്ക്കെതിരായ പരാതി വ്യാജമാണെന്നായിരുന്നു യുവതിയുടെ ഇളയ മകന്റെ നിലപാട്.