തിരുവനന്തപുരം: കേരളത്തില് മഴ ശക്തമായതിനെതുടര്ന്ന് 14 ജില്ലകളിലും യെല്ലോ അലേര്ട്ട് പ്രഖ്യാപിച്ചു. ഇന്നു ശക്തമായ മഴയ്ക്ക് സാധ്യതയെന്നാണ് കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ആലപ്പുഴ, കോട്ടയം, എറണാകുളം, ഇടുക്കി, കണ്ണൂര്, കാസര്ഗോഡ് ജില്ലകളില് നാളെയും യെല്ലോ മുന്നറിയിപ്പുണ്ട്.
ശക്തമായ കാറ്റോട് കൂടിയ മഴയ്ക്കാണ് സാധ്യത. മധ്യകേരളത്തിലും വടക്കന് കേരളത്തിലും മഴ കനത്തേക്കും. മലയോര മേഖലകളില് ജാഗ്രതാ നിര്ദേശം നല്കി. പൊതുജനങ്ങളും സര്ക്കാര് സംവിധാനങ്ങളും ജാഗ്രത പാലിക്കണം. കേരള തീരത്ത് ഉയര്ന്ന തിരമാലയ്ക്കും മണിക്കൂറില് പരമാവധി 50 കിലോമീറ്റര് വരെ വേഗത്തില് ശക്തമായ കാറ്റിനും സാധ്യത.
തിങ്കളാഴ്ച്ച വരെ മത്സ്യതൊഴിലാളികള് കടലില് പോകുന്നതിന് വിലക്കുണ്ട്. ബുധനാഴ്ച്ചയോടെ ബംഗാള് ഉള്ക്കടലില് പുതിയൊരു ന്യൂനമര്ദ്ദം രൂപപ്പെടാനുള്ള സാധ്യതയും കാലാവസ്ഥ നിരീക്ഷണ കേന്ദ്രം പ്രവചിക്കുന്നു.