ന്യുഡല്ഹി: ഇന്ത്യ വിഭജിച്ചതിന്റെ വേദനകള് ഒരിക്കലും മറക്കില്ലെന്ന് പ്രധാനമന്ത്രി നരേന്ദ്ര മോഡി. ഓഗസ്റ്റ് 14, എല്ലാ വര്ഷവും വിഭജന ഭീതി ദിനമായി ആചരിക്കുമെന്നും പ്രധാനമന്ത്രി. സാമൂഹിക വിഭജനം സമൂഹത്തില് നിന്ന് തുടച്ച് നീക്കണമെന്നും ട്വിറ്ററിലൂടെ മോഡി ആവശ്യപ്പെട്ടു.
'വിഭജനത്തിന്റെ വേദന ഒരിക്കലും മറക്കാനാവില്ല, വിദ്വേഷവും അക്രമവും കാരണം നമ്മുടെ ലക്ഷകണക്കിന് സഹോദരി സഹോദരന്മാര്ക്ക് പലായനം ചെയ്യേണ്ടി വന്നു. പലര്ക്കും ജീവന് നഷ്ടപ്പെട്ടു. ആ ജനതയുടെ ത്യാഗസ്മരണയ്ക്കായി ഓഗസ്റ്റ് 14 'വിഭജനഭീതിയുടെ സ്മരണാ ദിനമായി ആചരിക്കാന് തീരുമാനിച്ചു' പ്രധാനമന്ത്രി ട്വീറ്റ് ചെയ്തു.