ഗാന്ധിനഗര്: ഗുജറാത്തില് പുതിയ മുഖ്യമന്ത്രിയെ ഇന്ന് തെരഞ്ഞെടുത്തേക്കും. സത്യപ്രതിജ്ഞ നാളെ ഉണ്ടാകും. മുഖ്യമന്ത്രിയായിരുന്ന വിജയ് രൂപാണി രാജിവെച്ചതിനെ തുടര്ന്ന് പുതിയ മുഖ്യമന്ത്രിയെ തെരഞ്ഞെടുക്കുന്നതിനുള്ള ചര്ച്ചകള്ക്കായി കേന്ദ്രമന്ത്രിമാരായ പ്രഹ്ലാദ് ജോഷി, നരേന്ദ്ര സിങ് തോമര് എന്നിവര് ഗുജറാത്തിലേക്ക് തിരിച്ചു. പാര്ട്ടി ഹെഡ്ക്വാര്ട്ടേഴ്സില് ഇന്ന് മൂന്ന് മണിക്ക് ബിജെപി എംഎല്എമാരുടെ യോഗം ചേരും. ഈ യോഗത്തിന് ശേഷമായിരിക്കും മുഖ്യമന്ത്രിയെ പ്രഖ്യാപിക്കുക.
ഇന്നലെയാണ് അപ്രതീക്ഷിതമായി വിജയ് രൂപാണി രാജിവെച്ചത്. അടുത്ത വര്ഷം നടക്കുന്ന തെരഞ്ഞെടുപ്പ് മുന്നില് കണ്ടാണ് കേന്ദ്രനേതൃത്വം വിജയ് രൂപാണിയുടെ രാജി ആവശ്യപ്പെട്ടത്. കൊവിഡ് കൈകാര്യം ചെയ്തതിലെ വീഴ്ചയും ഭരണവിരുദ്ധ വികാരവുമാണ് വിജയ് രൂപാണിയുടെ രാജിയിലേക്ക് നയിച്ച കാരണങ്ങള്. ഉപമുഖ്യമന്ത്രിയും മോഡിയുടെ വിശ്വസ്തനുമായ നിതിന് പട്ടേല്, കേന്ദ്രമന്ത്രി മാന്സുഖ് മാണ്ഡവ്യ എന്നിവരുടെ പേരുകളാണ് പുതിയ മുഖ്യമന്ത്രിയുടെ സ്ഥാനത്തേക്ക് പ്രധാനമായി ഉയര്ന്നുവരുന്നത്.