തിരുവനന്തപുരം: എഐഎസ്എഫ് വനിതാ നേതാവിനെ ആക്രമിച്ച സംഭവത്തില് ഏഴ് എസ്എഫ്ഐ പ്രവര്ത്തകര്ക്കെതിരെ പൊലീസ് കേസെടുത്തു. കോട്ടയം ഗാന്ധിനഗര് പൊലീസാണ് കേസെടുത്തത്.
എസ്എഫ്ഐ എറണാകുളം ജില്ലാ ഭാരവാഹികളായ അമല് സി എ, അര്ഷോ, പ്രജിത്ത്, വിദ്യാഭ്യാസ മന്ത്രിയുടെ പേഴ്സണല് സ്റ്റാഫ് ആയ കെ എം അരുണ്, കോട്ടയം നേതാക്കളായ ഷിയാസ്, ടോണി കുരിയാക്കോസ്, സുധിന് എന്നിവര്ക്ക് എതിരെയാണ് കേസ്.
സ്ത്രീയെ ഉപദ്രവിച്ചതിനും ജാതീയ അധിക്ഷേപത്തിനുമാണ് കേസെടുത്തിരിക്കുന്നത്. എസ്എഫ്ഐ നേതാക്കള്ക്കെതിരെ എഐഎസ്എഫ് വനിതാ നേതാവ് പൊലീസിന് മൊഴി നല്കിയതിന് പിന്നാലെയാണ് പൊലീസ് കേസ് രജിസ്റ്റര് ചെയ്തത്. എം ജി സര്വകാലശാല സെനറ്റ് തെരെഞ്ഞെടുപ്പിനിടെ ബലാത്സംഗം ചെയ്യുമെന്ന് ഭീഷണിപ്പെടുത്തുകയും ജാതിപരമായ അധിക്ഷേപിക്കുകയും മര്ദിക്കുകയും ചെയ്തുവെന്നാണ് പരാതി.
കോട്ടയം ഗാന്ധിനഗര് പോലീസ് സ്റ്റേഷനില് എത്തിയാണ് മൊഴി നല്കിയത്. കോട്ടയം ജില്ലാ പോലീസ് മേധാവിക്കും പരാതി നല്കി. അതേസമയം പരാതിയുമായി ശക്തമായി മുന്നോട്ട് പോകുമെന്ന് എഐഎസ്എഫ് അറിയിച്ചു.