അബുദബി: പാരസറ്റമോള്‍ മരുന്ന് സുരക്ഷിതമാണെന്നും വിപണിയില്‍ നിന്നും പിന്‍വലിച്ചിട്ടില്ലെന്നും അബുദബി ആരോഗ്യവിഭാഗം. ഇന്‍സ്റ്റാഗ്രാമില്‍ അടുത്തിടെ പുറത്തിറക്കിയത് ഡോക്ടർമാർക്കുളള നിർദ്ദേശമാണെന്നും ആരോഗ്യവിഭാഗം വ്യക്തമാക്കി. ഫ്ലൂക്ലോക്സാസിലിൻ അടങ്ങിയ ആൻറിബയോട്ടിക്കുകൾക്കൊപ്പം ഇത്തരത്തിലുള്ള മരുന്നുകൾ നിർദ്ദേശിക്കുന്നതുമായി ബന്ധപ്പെട്ടുളളതായിരുന്നു മുന്നറിയിപ്പ്.
ഫ്ലൂക്ലോക്സാസിലിൻ അടങ്ങിയ പാരസെറ്റമോളും ആൻറിബയോട്ടിക്കുകളും ഒരുമിച്ച് ഉപയോഗിക്കുമ്പോൾ രോഗിക്ക് പാർശ്വഫലങ്ങൾ ഉണ്ടാക്കുമെന്ന വിലയിരുത്തലാണ് മുന്നറിയിപ്പിന് ആധാരമെന്നും പ്രസ്താവന വ്യക്തമാക്കുന്നു.