കണ്ണൂര്: പാനൂരില് യുവതിയെ വീട്ടില്ക്കയറി വെട്ടിക്കൊന്നു. കണ്ണച്ചാങ്കണ്ടി വിനോദിന്റെ മകള് വിഷ്ണുപ്രിയ(23)യെയാണ് അതിക്രൂരമായി കൊലപ്പെടുത്തിയത്. ശനിയാഴ്ച ഉച്ചയോടെയായിരുന്നു സംഭവം.
കൊല്ലപ്പെടുത്തിയതിന് പിന്നില് പ്രണയാഭ്യര്ഥന നിരസിച്ചതിലുള്ള പകയെന്ന് പൊലീസ്. മാനന്തേരി സ്വദേശിയായ പ്രതിയെ തിരിച്ചറിഞ്ഞു.
പാനൂരിലെ സ്വകാര്യ മെഡിക്കല് ലാബിലെ ജീവനക്കാരിയാണ് വിഷ്ണുപ്രിയ. വീട്ടിലെ കിടപ്പുമുറിയിലാണ് യുവതിയെ കൊല്ലപ്പെട്ടനിലയില് കണ്ടെത്തിയത്. കഴുത്തറുത്തനിലയിലായിരുന്നു മൃതദേഹം. കൈകളില് അടക്കം മാരകമായ മുറിവേറ്റിരുന്നു.
പെണ്കുട്ടി വീട്ടില് തനിച്ചായിരുന്നു. മുഖംമൂടി ധരിച്ചയാളെ കണ്ടെന്ന് നാട്ടുകാര് പറഞ്ഞിരുന്നു. സംഭവത്തില് സിസിടിവി ദൃശ്യങ്ങള് ഉള്പ്പെടെ പരിശോധിച്ച് നടത്തിയ അന്വേഷണത്തിനൊടുവിലാണ് പ്രതിയെ പിടികൂടിയത്.