2020 ലെ അബുദബി ഷെയ്ഖ് സയ്യീദ് പൈതൃകോത്സവം നാളെ (നവംബർ 20 ) മുതല്‍ ആരംഭിക്കും.അബുദാബിയിലെ അൽ വത്ബയിലാണ് പൈതൃകോത്സവം നടത്തുന്നത്. കോവിഡ് പ്രതിരോധ മാനദണ്ഡങ്ങള്‍ പാലിച്ചാണ് ഇത്തവണത്തെ പൈതൃകോത്സവം നടക്കുക. യു എ ഇയുടെ സ്ഥാപക പിതാവായ ഷെയ്ഖ് സയ്യീദ് ബിൻ സുൽത്താൻ അൽ നഹ്യാന്‍റെ സ്മരണാർത്ഥമാണ് പൈതൃകോത്സവം സംഘടിപ്പിക്കുന്നത്.ഇത്തവണ 3500-ൽ പരം സാംസ്‌കാരിക പരിപാടികളാണ് പൈതൃകോത്സവത്തില്‍ ഉള്‍പ്പെടുത്തിയിട്ടുളളത്.. ഇതിൽ 100-ഓളം പരിപാടികൾ കുട്ടികൾക്ക് മാത്രമായുളളതാണ്. ഇതിൽ പങ്കെടുക്കാനായി 30-തോളം രാജ്യങ്ങളിൽ നിന്നായി 17000-ത്തിൽ പരം പ്രദർശകരാണെത്തുന്നത്. 2020 നവംബർ 20 മുതൽ 2021 ഫെബ്രുവരി 20 വരെയാണ് പൈതൃകോത്സവം നടക്കുക.