തിരുവനന്തപുരം: വിഴിഞ്ഞം സംഘര്ഷത്തില് മുഖ്യമന്ത്രി പിണറായി വിജയനെതിരെ രൂക്ഷ വിമര്ശനവുമായി കേന്ദ്രമന്ത്രി വി. മുരളീധരന്. മുഖ്യമന്ത്രി മാസ് ഡയലോഗുകള് അവസാനിപ്പിച്ച് ക്രമസമാധാന പാലനം ഉറപ്പാക്കാന് നടപടികള് സ്വീകരിക്കണം എന്നാണ് മുരളീധരന് തിരുവനന്തപുരത്ത് പറഞ്ഞത്. അതിനു പറ്റിയില്ലെങ്കില് രാജിവച്ച് പുറത്ത് പോകൂ എന്നും കേന്ദ്രമന്ത്രി തുറന്നടിച്ചു.
വിഴിഞ്ഞത്ത് ജനങ്ങളും പൊലീസും ആക്രമിക്കപ്പെട്ടു. 200 കോടി രൂപയുടെ നഷ്ടമുണ്ടായെന്ന് കമ്പനി അവകാശപ്പെടുന്നു. ആ സമയത്തെല്ലാം മാളത്തിലിരുന്ന മുഖ്യമന്ത്രി മാസ് ഡയലോഗുമായി പത്ത് ദിവസം കഴിഞ്ഞപ്പോള് പ്രത്യക്ഷപ്പെട്ടു.
ഡയലോഗ് അല്ല വേണ്ടതെന്നും ജനങ്ങളുടെ ജീവനും സ്വത്തിനും സുരക്ഷ ഉറപ്പുവരുത്താന് പറ്റുന്നില്ലെങ്കില് രാജിവച്ചൊഴിയണമെന്നും മുരളീധരന് പറഞ്ഞു.