തൃശൂര്: കരുവന്നൂര് ബാങ്ക് തട്ടിപ്പ് കേസില് മാനേജര് അടക്കം അഞ്ച് പ്രതികളുടെ സ്വത്തുക്കള് കണ്ടുകെട്ടാന് വിജിലന്സ് കോടതി ഉത്തരവ്. മാനേജര് ബിജു കരീം, അക്കൗണ്ടന്റ് ജില്സ്, കമ്മീഷന് ഏജന്റ് ബിജോയ്, സൂപ്പര് മാര്ക്കറ്റ് കാഷ്യര് റജി കെ. അനില് എന്നിവരുടെ സ്വത്തുക്കള് കണ്ടുകെട്ടാനാണ് തൃശൂര് വിജിലന്സ് കോടതി ഉത്തരവിട്ടത്.
അഞ്ച് പേര് 2011 മുതല് 2021 വരെ കാലത്ത് സമ്പാദിച്ച 58 വസ്തുക്കളാണ് കണ്ടുകെട്ടുക. ക്രൈംബ്രാഞ്ച് അന്വേഷണ സംഘത്തിന്റെ അപേക്ഷ പ്രകാരമാണ് നടപടി. ഒന്നാം പ്രതി സുനില് കുമാറിന്റെ പേരില് സ്വത്തുക്കളില്ലാത്തതിനാല് കണ്ടുകെട്ടാനാവില്ല. ബിജോയിയുടെ പേരില് പീരുമേടുള്ള ഒന്പത് ഏക്കര് സ്ഥലമുള്പ്പടെയാണ് കണ്ടുകെട്ടുന്നത്.