കൊച്ചി: പണിമുടക്കുന്ന സര്ക്കാര് ജീവനക്കാര്ക്കെതിരെ കര്ശന നടപടി വേണമെന്ന് ഹൈക്കോടതി. പണിമുടക്ക് നിയമ വിരുദ്ധമാണെന്നും പണിമുടക്കുന്ന സര്ക്കാര് ജീവനക്കാര്ക്ക് ശമ്പളത്തിന് അര്ഹതയില്ലെന്നും ഹൈക്കോടതി ചൂണ്ടിക്കാട്ടി.
ഇത്തരക്കാര്ക്ക് ശമ്പളം നല്കുന്നതിലൂടെ പണിമുടക്കിനെ പ്രോത്സാഹിപ്പിക്കുകയാണ് സര്ക്കാര് ചെയ്യുന്നത്. വിഷയത്തില് ശക്തമായ നടപടി കൈക്കൊള്ളണമെന്നും ഹൈക്കോടതി ഡിവിഷന് ബെഞ്ച് സര്ക്കാരിന് നിര്ദേശം നല്കി.
കഴിഞ്ഞ വര്ഷം സംയുക്ത ട്രേഡ് യൂണിയനുകള് ആഹ്വാനം ചെയ്ത 48 മണിക്കൂര് പണിമുടക്കില് സര്ക്കാര് ജീവനക്കാര് പങ്കെടുത്തിരുന്നു. ഇത് നിയമ വിരുദ്ധമാണെന്നും അനുവദിക്കരുതെന്നും ആവശ്യപ്പെട്ട് നല്കിയ പൊതു താല്പര്യ ഹര്ജിയിലാണ് കോടതിയുടെ നിരീക്ഷണം.