കൊച്ചി: പറവൂരിലെ വെജിറ്റേറിയന് ഹോട്ടലിലെ മസാലദോശയില് നിന്നും തേരട്ടയെ കണ്ടെത്തി. വസന്തവിഹാര് എന്ന ഹോട്ടില് നിന്ന് ഭക്ഷണം കഴിക്കുന്നതിനിടെയാണ് അട്ടയെ കണ്ടെത്തിയത്. തുടര്ന്ന് നഗരസഭാ അധികൃതര് ഹോട്ടല് അടപ്പിച്ചു.
രാവിലെ പത്തുമണിയോടെ മാഞ്ഞാല സ്വദേശികളായ കുടുംബമാണ് മസാല ദോശ ഓര്ഡര് ചെയ്തത്. ദോശയിലെ മസാലയിലാണ് തേരട്ടയെ കണ്ടെത്തിയത്. തുടര്ന്ന് ഇവര് ആരോഗ്യവകുപ്പിന് പരാതി നല്കി. അതിന് പിന്നാലെ പറവൂര് നഗരസഭാ വിഭാഗം പരിശോധന നടത്തി.
വൃത്തിഹീനമായ നിലയിലാണ് അടുക്കള പ്രവര്ത്തിക്കുന്നതെന്ന് പരിശോധനയില് കണ്ടെത്തി. ദോശമാവ് ഉള്പ്പടെ സൂക്ഷിച്ചത് അഴുകിയ പാത്രങ്ങളിലാണ്. തുടര്ന്ന് നഗരസഭാ ആരോഗ്യ വിഭാഗം ഹോട്ടല് അടപ്പിക്കുകയായിരുന്നു. കഴിഞ്ഞ ദിവസം പറവൂരിലെ മജ്ലിസ് ഹോട്ടലില് നിന്ന് കുഴിമന്തി കഴിച്ചവര്ക്ക് ഭക്ഷ്യവിഷബാധയേറ്റിരുന്നു.