കോട്ടയം: താമരശേരി രൂപതാ ചാൻസലർ ഫാ. ബെന്നി മുണ്ടനാട്ടിനെ രാഷ്ട്രദീപിക ലിമിറ്റഡ് മാനേജിങ് ഡയറക്ടറായി നിയമിച്ചു. നാല് വർഷത്തെ സേവനത്തിന് ശേഷം ഫാ. മാത്യു ചന്ദ്രൻകുന്നേൽ വിരമിച്ച ഒഴിവിലേക്കാണ് നിയമനം.
ഈ മാസം പതിനഞ്ചാം തീയതി ഫാ. ബെന്നി മുണ്ടനാട്ട് ചുമതലയേൽക്കും. എക്സിക്യൂട്ടീവ് ഡയറക്ടറായി തിരുവല്ല അതിരൂപതാംഗം ഫാ. ജോർജ് തേക്കടയിലും നിയമിതനായി. കടുത്തുരുത്തി സെന്റ് മേരീസ് ഫോറോനാ വികാരിയായാണ് ഫാ. ചന്ദ്രൻകുന്നേലിന് സ്ഥലം മാറ്റം.