തിരുവനന്തപുരം: ബിബിസി ഓഫീസുകളില് ആദായ നികുതി വകുപ്പ് റെയിഡ് നടത്തിയതിനെ വിമര്ശിച്ച് മുഖ്യമന്ത്രി പിണറായി വിജയന്. നടപടികളുടെ ഉദേശ ശുദ്ധി സംശയകരമാണെന്ന് അദ്ദേഹം പറഞ്ഞു.
ഗുജറാത്ത് വംശഹത്യയുമായി ബന്ധപ്പെട്ട ബിബിസി ഡോക്യുമെന്ററിയില് ബിജെപി ഭരണകൂടം പ്രകോപിതരായിരുന്നു. ആ പശ്ചാത്തലത്തിലാണ് ആദായ നികുതി വകുപ്പ് ബിബിസിക്ക് നേരെ തിരിഞ്ഞിരിക്കുന്നതെന്നും മുഖ്യമന്ത്രി പ്രസ്താവനയില് ആരോപിച്ചു.
മാധ്യമ സ്വാതന്ത്ര്യത്തിനുമേലുള്ള കടന്നുകയറ്റമാണ് ഇതെന്ന് അന്താരാഷ്ട്ര മാധ്യമങ്ങളില് വിമര്ശനം ഉയര്ന്നുകഴിഞ്ഞു. ഇത് അന്താരാഷ്ട്ര സമൂഹത്തിനുമുന്നില് രാജ്യത്തിന് നാണക്കേടുണ്ടാക്കുന്നതാണ്. മാധ്യമ സ്വാതന്ത്ര്യത്തിനുനേരെയുണ്ടാകുന്ന ഏതൊരു തെറ്റായ നടപടിയും പ്രതിഷേധാര്ഹമാണ്.
ഇതിനെ ജനാധിപത്യ സമൂഹം ആശങ്കയോടെ കാണണമെന്നും മുഖ്യമന്ത്രി ഓര്മിപ്പിച്ചു.